منحة دراسية مقدمة من CCNA Cyber Ops Scholarship بوصف طالب نجح فيها

منحة دراسية مقدمة من CCNA Cyber Ops Scholarship بوصف طالب نجح فيها

    السلام عليكم ورحمة اللهالحمد لله تم قبولي لمنحة CCNA Cyber Ops Scholarship الممولة بالكامل من شركة سيسكو.البوست دا حأتكلم فيهو عن تفاصيل المنحة دي و كيفية التقديم ليها .

    CCNA Cyber Ops Scholarship


    عن المنحة :-

    سيسكو عملت المنحة دي لأنو حسب دراسات عملوها متوقعين انو ببداية 2019 حيكون في نقص يقدر ب 2 مليون متخصص في مجال ال Cyber Security .. فقامت سيسكو عملت شهادة جديدة (CCNA Cyber Ops) و هي خليط ما بين CEH و CISSP و عشان تشجع الناس انو تبقى certified بيها , سيسكو خصصت مبلغ 10 مليون دولار عبارة عن منح كاملة تشمل الدراسة + رسوم الامتحان .


    تفاصيل المنحة :-

    المنحة زي ما قلت ليكم بتشمل الدراسة + الامتحان
    بالنسبة للدراسة (قيمتها 3000 دولار) :
    المقرر عبارة عن جزئين SECFND و SECOPS
     بتديك Free access for all Cisco resources و اللي هي عبارة عن :
    - Virtual Labs.
    - Live lectures by Cisco Instructors.
    - Self-Study E-Learning Materials.
    بالنسبة للامتحان (600 دولار) :
    بعد ما تخلص الدراسة سيسكو بتديك voucher عشان تمتحن مجانا .
    الامتحان على جزئين برضو SECFND و SECOPS
    سعر الامتحان الواحد 300 دولار

    شروط المنحة :-

    لازم تكون certified بأيٍ من شهادات سيسكو لأنو في التقديم بيطلبوا منك ال Cisco ID

    كيفية التقديم :-

    التقديم عبارة عن 4 مراحل
    المرحلة الاولى : مرحلة التسجيل و دي ابسط مرحلة بتكتب اسمك و ايميلك.
    المرحلة الثانية : في خلال شهر - شهرين بيرسلوا ليك ايميل فيهو استبيان تملاهو (لازم تملى الاستبيان بعناية لأنو عن طريقو بيتم الفرز).
    المرحلة الثالثة : عبارة عن امتحان بسيط (أساسيات Security - Linux - Windows) النجاح من 75% .. اذا اجتزت الامتحان بنجاح فكدة انت قبلوك في المنحة (قبل ما تمتحن راجع و اعمل refresh عشان ما تفقد الفرصة).
    المرحلة الرابعة : لأنو عدد الناس كبير جدا سيسكو قسمت الناس على مجموعات و أي مجموعة عندها رقم بداية من (... Cohort 1,2,3, etc) بتشوف التاريخ المناسب معاك و تختاروا كتاريخ بداية للدراسة.
    سيسكو بتقول انو حيفتحوا تقديم تاني بداية السنة ان شاء الله .. خليكم متابعين .. و اذا في اي زول محتاج أي معلومة او مساعدة يراسلني.

    Tips :-

    - قبل ما تبدا أي خطوة من خطوات التقديم اتأكد انو عندك VPN شغال (لسة محظورين)
    - راجع ايميلك من فترة الى فترة.
    - الدراسة كلها online .. أما بالنسبة للامتحان لازم تطلع تمتحن برة (للناس القاعدين في السودان).

    موفقين بإذن الله.
    "Education is our passport to the future, For tomorrow belongs to the people who prepare for it today"

    Malcolm X

    بقية التفاصيل والتقديم  من الرابط التالي 
    المنح الدراسية
    @مرسلة بواسطة
    كاتب ومحرر اخبار اعمل في موقع المنح الدراسية للطلاب العرب .

    إرسال تعليق